My Pipo kassala don bust oo as Peter Obi don come tab Tinubu say him no get value for human life as him no gree go visit Benue Killings June 16, 2025.
Na So E Happen on Monday wen Peter Obi, di Labour Party presidential candidate wey run for 2023 election, no hold back as e blast President Bola Tinubu for how e handle di serious killings wey dey happen for Benue State.
According to Obi, Tinubu no value human lives at all because e never even waka go Benue after over 200 Pipo don die for one brutal massacre.
Tinubu No Show Face for Benue, Obi Talk Say E No Get Compassion.
For one post wey Obi drop for X (formerly Twitter) on Monday morning, e talk say Tinubu’s action or better still, lack of action Dey show say e no care about di suffering of Naija Pipo dem.
Obi talk say if Tinubu really value human life, e for don waka go Benue to comfort di Pipo and show leadership.
Obi compare di situation with how leaders for other countries dey behave when tragedy strike.
For example, e talk about India and South Africa, where leaders no dey waste time to show up when their pipo suffer.
Benue Massacre
Over 200 pipo Kill, But No Presidential Visit
Di whole country shock as over 200 innocent men, women, children, and even soldiers were killed by suspected herders for Benue.
Di massacre na one of di worst in recent memory, but di president no come di scene until almost 24 hours after di incident.
Even Pope Leo send condolences before Tinubu talk anything.
Obi write:
“Sadly, di evidence dey right before our eyes.
Recently, Niger State suffer severe flooding wey kill nearly 200 pipo, many still missing.
Yet, no single presidential visit.
Dis na for one country where di scene of di tragedy na less than one hour by helicopter.
Just days ago, over 200 Naija pipo, innocent men, women, children, and soldiers were massacred in Benue State.
Again, no presidential visit. No physical presence for di scene of pain.
No genuine national mourning. No leadership face to comfort di grieving or give hope to the pipo.”
Obi no stop there.
True Leadership Get Compassion
E talk say true leadership dey show for how leaders behave when tragedy happen.
For India, when plane crash kill nearly 200 people, di Prime Minister waka go di scene within hours.
For South Africa, when flood kill 78 pipo, di president personally visit di affected communities, stand with them, and take responsibility.
Obi say:
“That na leadership with compassion. That na leadership wey understand di value of human life.
But for Naija, we don normalise leadership wey no get empathy, no get accountability, and no get human face.”
Na So Naija Dey Run?
You go wonder, how government fit dey behave like dis?
Over 200 pipo die, but di president no fit show face?
Na so e be for Naija now?
Obi talk say naija no just need another president, but na leader wey get competence, capacity, character, and compassion.
Obi warn say until naija begin choose leaders with these qualities, di cycle of pain go continue. Na so e talk:
“That na why I insist:
Naija no just need another president;
Naija need leader, leader wey get competence, capacity, character, and compassion.
Until we choose leaders wey get these principles, di cycle of pain go continue.”
Naija Pipo Dey Wait for Real Leadership
Dis whole mata don cause plenty talk for social media and among di naija pipo dem.
People dey ask, how government fit dey ignore such serious tragedy?
How president fit dey silent when Pipo dey bleed?
Di Benue massacre na clear sign say leadership for naija need serious change.
Pipo no want empty words or late statements; dem want action, presence, and real comfort.
For now, Peter Obi’s words dey echo for many minds: if naija no get beta leader, di wahala no go end.
Di Pipo go continue dey suffer, and di leaders go continue dey enjoy their comfort far from di pain.
Na so e be for now. We dey wait to see if Tinubu go respond or if real leadership go finally show face for naija.
But one thing dey sure: no value for human lives no fit continue to be di norm. Naija pipo dey hope for beta.
Leave a Reply