Trump don sanction Naija for visa mata

On Saturday, June 14, 2025, di Trump administration waka come out with one gbege wey go scatter heads for Naija and plenty other countries.

According to one internal memo wey Secretary of State Marco Rubio sign.

Naija plus 35 other countries dey face serious wahala as dem get only 60 days to comply with new visa rules from di United States or else dem fit land for travel ban or heavy restrictions.

Naija and 35 Others Dem No Dey Play

Di list wey Trump government drop no be small thing at all.

E include big countries like Naija, Ghana, Ethiopia, Egypt, Angola, Cameroon, Zimbabwe, and many others mainly from Africa plus some Caribbean and Asian countries.

Di memo talk say these countries no fit produce reliable identity documents, or their governments no dey cooperate well, and corruption full ground.

E even talk say some countries no get proper government authority to issue civil papers, and some citizens dey overstay visa for US like say na their second home.

Di 60-Day Countdown: Na Wetin Dem Go Do

• Dem give these countries 60 days to waka come meet new requirements wey US State Department set.

The deadline dey June 18, 2025, by 8:00AM when dem suppose submit initial action plans on how dem go take solve di wahala.

If dem no do, the US fit slap visa bans or restrict entry sharply under new three-tier system wey dem dey plan.

Di three tiers mean some countries fit get full ban, others go get heavy visa restrictions, while some go get chance to fix their matter within 60 days.

Trump’s Immigration Wahala No Be New

Dis no be di first time Trump dey try do dis kain thing.

Remember di original Muslim ban

Dis one na like extension, but dis time e target mostly African countries.

Trump talk say na for national security sake, because dem no fit properly check pipo wey dey enter US from these countries.

E also talk say some countries dey sell citizenship for money without residency, and some nationals dey do anti-American things inside US. So, na so dem justify di new travel ban plan.

Naija Youths Dey Fear: Who Go Still Waka?

For Naija, dis news don cause serious anxiety.

Many young pipo wey dey plan to waka go US for beta life don dey fear say their visa go soon become like gold wey no dey again.

Di government no talk anything official yet, and US White House still dey silent.

But di memo clear say if naija no comply, visa issuance fit stop or become very hard.

Na So Dem Take Dey Do Us

Make we talk true, dis one na big joke.

US dey talk say Naija no fit produce proper identity documents, but Naija no dey produce fake IDs?

Naija no dey do government corruption?

Abi na only Naija get problem?

If US sabi say Naija dey do anyhow, why dem still dey do business with us?

E be like say dem wan punish Naija for something wey dem no fit fix themselves.

And this 60-day notice Na joke

Dem expect big country wey get millions of pipo to fix all these wahala inside two months?

Abi dem think say Naija government dey do magic?

Make dem no forget say Naija na big country with plenty challenges, no be small village wey you fit run quick quick fix everything.

Who Dey Play Politics

Some pipo go talk say dis na political move to punish countries wey no dey follow US orders.

Others go talk say na to stop immigration from Africa because Trump no like black pipo.

Di truth be say this kain travel ban dey cause more division and wahala instead of solving any problem.

If US really want help, dem suppose work with these countries to fix identity systems and fight corruption, no be just slap ban and dey shout national security.

But Trump government no dey do that kind cooperation; dem dey do top-down punishment.

So, Naija and 35 other countries dey under serious pressure to meet US visa and immigration standards within 60 days or face travel ban.

Di memo signed by Marco Rubio clear say no cooperation or reliable documents mean wahala for visa.

Di US government still no talk officially, but di threat serious, and Naija youths dey fear say their American dream fit soon turn nightmare.

Make we dey watch as dis political drama dey unfold.

Meanwhile, Naija government and citizens suppose wake up and start to show say we fit handle our own business well, or else visa ban go soon turn reality.

Trump and him pipo don talk, now na our turn to respond, but e no go easy at all!