Atiku don comot for PDP- Wike ally talk

Wike ally don come talk say Atiku wey be former Vice President and di former PDP former Presidential  candidate don Comot for PDP for inside June 11, 2025.

Tajudeen Yusuf, wey be former House of Representatives member and close ally to FCT Minister Nyesom Wike, don come talk say former Vice President Atiku Abubakar no dey PDP again June 11.

Dis statement come as big gbege for political circle and di mata dey cause controversy everywhere.

For interview wey Wike ally “Yusuf” give for Channels Television Politics Today, him come dey yan say Atiku no dey PDP as before again but e dey inside one big coalition wey dey form with plenty other politicians. Yusuf talk:

“Atiku don comot from PDP; e dey coalition with plenty pipo .”

Dis talk shock many pipo because Atiku himself don first deny say e wan leave PDP.

Him media office even release statement say all those talk na lie and say Atiku still be principal member of PDP.

PDP Must Move Beyond Atiku, Yusuf Argue

Yusuf talk say PDP no suppose dey rely on one person like Atiku to win election again.

Him come still add for di mata say party suppose to find new strategy and new leaders to take power back.

Him criticize how PDP zone 2023 presidential ticket to North, say na mistake.

Yusuf blame Atiku for PDP loss for 2023 presidential election.

Him talk say if Atiku no spoil relationship with Peter Obi and if Obi still dey PDP as running mate, PDP for don win that election.

E yan: “I blame Atiku for 2023 election loss.

If Atiku no spoil Obi relationship, if Obi bin still dey PDP and e pick Obi as VP, PDP for don win.

Obi represent southern agitations and Naija dey find something different.”

Atiku Himself Talk Say E Still Dey PDP

Despite Yusuf talk, Atiku media office release statement say di talk wey dey say Atiku e wan leave PDP na pure lie and fake news.

Dem talk say Atiku dey push for coalition to fight APC but e no mean say e leave PDP.

Statement talk: “Atiku still be principal bona fide member of PDP.

Any talk wey say e dey leave PDP na lie wey dem dey use confuse Naija pipo dem.”

Atiku talk say e dey build coalition with other opposition parties but PDP still remain im home.

PDP Governors Reject Atiku Coalition Move

Meanwhile, PDP governors reject Atiku plan for coalition and merger before 2027 election.

Dem talk say PDP no go join any coalition or merger, but dem welcome any party or pesin wey wan join PDP.

Dis one cause tension between Atiku camp and PDP governors.

Some PDP pop pipo talk say Atiku dey do im own thing without party consensus.

Yusuf Also Lament Okowa Defection to APC

Yusuf also talk say former Delta State Governor Ifeanyi Okowa defection to APC na big blow to PDP.

E lament say 2023 PDP campaign increase wahala inside party and make party men vex.

Controversy Dey Everywhere like dis

• Some PDP members talk say Atiku no fit be candidate again because PDP suppose zone ticket to South.
• Others believe say Atiku still get support and fit contest 2027.
• Atiku coalition plan dey cause division for PDP.
• PDP governors dey disown Atiku for di  coalition mata.
• Political observers dey watch to see if PDP fit unite or if party go break.
• Opposition dey prepare for 2027 election, and dis mata fit affect their chances.

My pipo, PDP Wahala No Dey Finish, Atiku Position Still get plenty Controversial

Di political drama around Atiku and PDP no dey finish.

Yusuf talk say Atiku don comot from party, but Atiku himself deny am strong.

PDP governors dey reject Atiku coalition plan, and party dey divided.

Dis wahala fit affect PDP chances for 2027 election.

Naija dey watch to see if PDP fit unite or if di party go scatter.

Atiku position still dey very controversial, and di coalition plan dey shake political ground.

For now, na political war wey no get end, and PDP  need to settle their mata quick if dem want challenge APC well for 2027.