Senator Ali Ndume don talk big mata wey go make plenty pipo for Naija dey reason well well.
Ndume talk say plenty pipo wey dey work for President Bola Tinubu government na thief all of dem be kakistocrats.
For those wey no sabi, kleptocrats mean pipo wey dey use dia position to dey chop government monie, while kakistocrats mean pipo wey no sabi their work, incompetent leaders.
Dis big talk come from Ndume for one TV show wey dem call Politics Today for Channels Television on June 8, 2025.
Ndume no come hold back at all.
E talk say, “Dem no dey realistic at all.
“I don talk dis one before and I no go change my mind until dem change or until president do something”.
“I still believe say na thief and incompetent pipo full government.”
Ndume no stop there.
E accuse pipo wey dey close to President Tinubu say dem dey lie to am and dey give am wrong information about how Nigeria dey.
E talk say, “I dey see pipo wey dey lie, dey tell president only wetin e want hear.
Di pipo wey suppose help am na dem dey deceive am or dey spoil im image.”
Ndume talk say President Tinubu no fit waka go street like normal pesin to see how pipo dey suffer.
E come add say even wen president dey outside villa, dem go carry am for car wey get tinted glass so e no go see wetin dey happen for outside.
Dis kind thing dey make pipo vex because dem feel say government no dey close to them.
Ndume talk say pipo no happy for how things dey go, and even President Tinubu no dey pretend say everything dey okay.
E admit say hardship dey and e don ask Naija make dem get patience.
But Ndume talk say dis kind patience no suppose mean say government go just dey do anyhow.
Dis talk from Ndume don cause serious gbege for political circles because e come from one pesin wey sabi politics well and e be ex-Senate Chief Whip.
Pipo dey wonder if dis one na true confession or just political wahala.
Some Naija don begin talk say if dis one true, e mean say government wey suppose dey fight corruption and make life beta for pipo na thieves and bad leaders dey run am.
Others dey fear say if government full of thieves and kakistocrats, e go hard for Naija to develop or solve di many problems wey dey.
Ndume’s statement don raise plenty questions about how President Tinubu dey manage him cabinet and pipo wey dey work with am.
E also dey show say maybe president no get correct information about how hardship dey affect ordinary Nigerians because di pipowwey dey around am dey cover am with lies.
Dis kain talk dey make pipo dey ask if government really dey serious about fighting corruption or if na just talk.
If those wey dey run government na thieves, how government go fit solve problems like inflation, insecurity, and bad roads?
Ndume’s words also dey put pressure on President Tinubu to clean house and comot pipo wey no dey honest or no fit do their work. Naija dey expect say government go do beta and show transparency, but Ndume’s claim dey suggest say things no dey go well inside government.
Di controversy no stop for Ndume’s talk alone. Many Naija dey talk say government dey use propaganda and fake news to hide true condition of di country.
Dem talk say government dey try protect themselves instead of helping pipo.
As of June 10, 2025, no response don come from President Tinubu or him government about Ndume’s serious allegations.
Pipo dey wait make government talk or take action because dis kind accusation no be small thing.
Dis whole mata don show how tension dey high for Naija politics and how pipo dey lose trust for government.
If those wey dey lead us na thieves and kakistocrats, e mean say Naija future dey very dark unless serious changes happen.
So, Ndume’s talk don shake the political ground and make Naija dey demand beta leadership and honesty from those wey dey govern them.
Di big question now be: Who go answer for this serious accusation?
And how government go take regain di trust of di pipo?
Di whole country dey watch.
Leave a Reply